Pamoja na kubana misamaha ya kodi, Kiongozi wa
Kambi Rasmi ya Upinzani Bungeni, Freeman Mbowe alikosoa nyongeza ya kodi
katika baadhi ya bidhaa akisema ni kuwabebesha mzigo wananchi.
“Nashukuru wamezingatia ushauri wetu wa kupunguza misamaha ya kodi, japokuwa hawakusema wataokoa shilingi ngapi, wangesema hilo.
“Pale bajeti inapokuwa na nyongeza ya kodi, lazima tufahamu kwamba mzigo huo utabebwa na wananchi, hilo halina ubishi.”
Mbunge wa Mkinga (CCM), Dunstan Kitandula alisema
bajeti ni nzuri kwa sababu kwa mara ya kwanza haikugusa mafuta kwa
kupandisha ushuru.
“Ukigusa mafuta, umegusa eneo lote la uchumi na
kwa bajeti hii kutakuwa na impact (matokeo) kubwa katika maisha ya kila
siku ya wananchi kwa sababu kodi ya mafuta imebaki palepale,” alisema.
Mbunge wa Msalala (CCM), Ezekiel Maige alisema
Serikali haikueleza itakakopata Sh19.8 trilioni ikizingatiwa kuwa katika
bajeti inayomalizika Juni 30, mwaka huu imeshindwa kukusanya Sh18
trilioni hali iliyokwamisha shughuli nyingi za maendeleo.
Mbunge wa Wawi, Hamad Rashid Mohamed (CUF)
alisema: “Kwa kiasi fulani kuna unafuu kwa wananchi kwa sababu kodi ya
Paye imepunguzwa na kitendo cha Serikali kusema itajenga reli ya kati
kitasaidia kupunguza gharama za usafishaji.”
Mbunge wa Arusha Mjini (Chadema), Godbless Lema
alisema: “Bajeti haina jipya maana ni yaleyale ya mwaka jana ya nyongeza
ya ushuru wa sigara na pombe.
“Imenukuliwa kama ilivyokuwa miaka iliyopita,
kilichobadilika ni style (mtindo) ya uandikaji, kama leo Watanzania
wakiokoka sijui watapata wapi kodi na mimi ninaona kuongeza ushuru kwa
pombe ni kushindwa kufikiri jinsi ya kuinua kilimo nchini.”
Mbunge wa Kinondoni (CCM), Idd Azzan alipongeza
hatua ya kudhibiti magari ya mitumba akisema gharama zake ni kubwa na
zinakaribiana na za magari mapya.
“Hatua hii ina manufaa, kwa sababu itatupunguzia
magari chakavu kwani wanunuzi wa magari ya aina hiyo wanalazimika kulipa
kodi ya uchakavu ambayo inasababisha gharama za gari husika kuwa sawa
na kununua gari jipya,” alisema Azzan.
0 comments:
Post a Comment